‘Mazombi wa simu’ kupigwa faini wakivuka barabara Honolulu

Kuvuka barabara ukitumia simu yako sasa ni marufuku Honolulu
Share this

Honolulu limekuwa jiji la kwanza kubwa nchini Marekani kuifanya kuwa haramu kwa “mazombi wa simu” kuvuka barabara wakitumia au kutazama simu zao.

 

Serikali katika jiji hilo la Hawaii wameidhinisha sheria ya kutotekwa fikira ukitumia kivuko cha barabarani.

Hii ina maana kwamba ni marufuku hata kuitupia jicho skrini ya simu yako kwa muda mfupi ukivuka barabara.

Ukipatikana na kosa hilo utapigwa faini ya $15-$35 (£11-£27).

Ukirudia kosa hilo, unaweza kutozwa faini ya hadi $99 (£76), shirika la habari la KHNL Hawaii News Now limeripoti.

“Ni jambo la kimsingi, kwamba macho yako huwa hayatazami pale unapotakiwa kutazama na hilo huweka kila mtu hatarini. Kutazama chini kidogo hata muda mfupi kuangalia ujumbe kwenye simu, unaweza kukosa kuangalia barabara kwa sekunde tano,” afisa wa polisi wa Honolulu James Shyer ameambia KHNL.

Wanaotembea kwa miguu hata hivyo bado wataweza kutumia simu zao wakitembea maeneo yaliyotengewa abiria barabarani.

Kupiga simu ukivuka barabara bado ni haramu

Baraza la jiji la Toronto lilipiga kura kuomba serikali ya jimbo la Ontario kufanyia marekebisho sheria za trafiki kulifanya kuwa kosa mtu akitembea akiwa hisia zake zimetekwa.

Lakini serikali ya jimbo iliamua zaidi kuangazia kuhamasisha raia kuhusu hatari ya kufanya hivyo.

Afisa wa polisi wa Toronto Clint Stibbe aliambia CBC mnamo 25 Oktoba kwamba badala ya kupitisha sheria, abiria wanafaa kuwajibikia zaidi usalama wao.

Dondosha comments


Share this